E FUNDIT/ Formacionet zyrtare: Inter-Atalanta
Dëshmitarët: Si u rrëmbye minorenia në mes të Tiranës sapo zbriti nga furgoni
Janë zbardhur dëshmitë e parë në lidhje me ngjarjen e rëndë në Tiranë ku dyshohet se është rrëmbyer një minorene.

“Makina ku u fut vajza ishte ngjyrë e kuqe dhe e vogël”. Kështu rrëfejnë qytetarët që janë bërë dëshmitarë të rrëmbimit të një 13-vjeçarje.

Ngjarja e rëndë ka ndodhur në rrugën ‘Ndre Mjeda’ në kryeqytet, pranë ish-Fushë së Aviacionit.

Dëshmitarët kanë arritur të identifikojnë tipin e makinës, ndërsa bëhet fjalë për një ‘Fiat Punto’ por nuk kanë mundur të mbajnë mend targën, pasi ngjarja është zhvilluar në pak sekonda.

Mësohet se vajza sapo kishte zbritur nga furgoni i shkollës kur makina është ndalur para saj dhe një person e ka marrë me forcë dhe e ka futur brenda.

Aktualisht policia është vënë në ndjekje të makinës, ndërsa ende nuk dihet se kush është autori. /albeu.com/

Shtuar më 04/10/2019, ora 18:53

Shkruani komentin tuaj!
Të fundit nga kjo kategori