Dëshmia tronditëse e burrit që vrau gruan dhe kunatën në Ballsh
Një krim i rëndë brenda familjes ka tronditur Shqipërinë ditën e djeshme, ku një 34 vjeçar i cili vrau bashkëshorten dhe kunatën e tij 18-vjeçare.

Autori i vrasjes së dyfishtë në Ballsh pasditen e djeshme ka dëshmuar para grupit hetimor, duke dhënë detaje tronditës për arsyet e krimit që kreu.

Gazment Musta ka deklaruar para grupit hetimor se shkak nuk ka qenë xhelozia, por kërkesa e saj për të shkuar te prindërit.

Sipas dëshmisë ai nuk e kishte lejuar gruan të shkonte tek prindërit për shkak të marrdhënieve të tij jo të mira me ta.

“Ajo më kërkoi që të shkonte te prindërit, por nuk e lejova, pasi nuk shkoja mirë me ata” mësohet se ka thënë autori.

Kujtojmë se në momentin që kreu vrasjen e gruas dhe kunatës, babai i dy fëmijëve 3 dhe 7-vjeç ishte i dehur, pasi kishte qënë te prindërit e tij në Drenovë për të festuar.

Pas sherrit, Musta e goditi gruan Gentiana Caushaj 31-vjeçe me thikën e bukës disa herë duke e lënë të vdekur, ndërsa kunata Merisa Caushaj 18-vjeçe ndërhyri për të shpëtuar motrën, por mbeti e vdekur si pasojë e plagëve të marra./albeu.com/
Shtuar më 03/01/2019, ora 10:06
Shkruani komentin tuaj!
Të fundit nga kjo kategori