Dëshmia e gardistit që zbuloi eksplozivin në makinën e prefektit të Vlorës
Efektivi i Gardës i cili shmangu shpërthimin e eksplozivit të vendosur poshtë makinës së prefektit të Vlorës Besnik Dervishi pranë Kryeministrisë tregon në intervistën për “Shqiptarja.com” detaje të kësaj ngjarje.

Atë ditë gardisti Petrit Doka ishte me shërbim tek hyrja e Objektit të Rëndësisë së Veçantë (Kryeministria), ku në orët e paradites në hyrjen e kryeministrisë ku futen, ministrat, zv/ministrat, dhe punonjësit e administratës, është kërkuar të futet automjeti tip “Peugot” me targë TR 50 66 N. Gardisti Doka, tregon se ky automjet ka qënë në listën e mjeteve që lejoheshin të futeshin në kryeministri, dhe pasi është bërë ky verifikim, nga ana e tij ka filluar procedura e dytë, ajo e kontrollit në pjesën e poshtme me aparatin pasqyrë. Është kontrolluar fillimisht pjesa e parakolpit të mjetit dhe pasi s’ka konstatuar sende të dyshimta ka kaluar në anën e majtë, dhe sapo ka vendosur pasqyrën në pjesën e gomës dhe poshtë derës së shoferit, ka konstatuar aparatin celular të lidhur me diçka të dyshimtë.

Më tej ai shprehet se ka urdhëruar shoferin Aziz Gurra, të zbriste dhe të mos shuante automjetin, pasi lëndë eksplozive mund të ishte e lidhur me sistemin e ndezjes ose të fikjes së makinës. Ndërkohë disa sekonda pas kësaj është njoftuar dhe prefekti i Vlorës Besnik Dervishi, i cili sapo kishte takuar shefin e antikorrupsionit në kryeministri Ergys Hoxha, me të cilin ishin drejtuar për në kafe. /albeu.com/
Shtuar më 21/12/2013, ora 10:53
Shkruani komentin tuaj!
Të fundit nga kjo kategori