Dervishi: Kam besim në zbardhjen e ngjarjes
Prefekti i Vlorës është shfaqur sot tek zona e Ujit të Ftohtë për të marrë pjesë në aksionin e shpërthimit të kompleksit ‘Jon’. Në një prononcim për mediat lidhur me ngjarjen e djeshme ku një sasi prej 200 gramë C4 e gjetur në automjetin e tij, Dervishi falenderoi të gjithë ata që shprehën solidaritet ndaj tij.


“Unë ju falënderoj për interesimin tuaj, shpreh mirënjohje për miqtë që më kanë shprehur solidaritet për ngjarjen që lidhen me personin tim, falenderoj kryeministrin, kolegët, ministra e deputetë që kanë qëndruar pranë meje. Unë jo pa qëllim, ju orientova se sapo vij nga një takim ku morën pjesë 50 ekspertë vendas e të huaj që shprehën intersin për konkursin për shëtitoren e Vlorës. Ky është një proces që vazhdon prej kohësh dhe vazhdon sipas planifikimit” u shpreh Dervishi i cili shprehu bindjen se prokuroria dhe institucionet do e zbardhin shumë shpejt këtë ngjarje.

Pyetjes së gazetarëve se cili po drejtonte makinën gjatë momentit që u zbulua eksplozivi ai u shpreh se makina personale po dretohej prej tij.

Makina drejtohej nga ju apo person tjetër, këto janë detaje t’ia lemë prokurorisë, është makinë personale, me targa të rregullta dhe për arsye se shtetin e kemi marrë të rrënuar përdorim dhe makinat tona personale. Dhe ditën e djeshme makina ka qenë në përdorim nga unë, ka një muaj që përdoret nga unë. Di të them vetëm kaq, unë ndihem mirë në Vlorë dhe në mes të vlonjatëve!” u shpreh me tej ai. /albeu.com/
Shtuar më 14/12/2013, ora 12:48
Shkruani komentin tuaj!
Të fundit nga kjo kategori