Deputeti nxjerr zbuluar opozitën e re: Braktisim PD, në shtator do kemi parti të re!
"Punojnë çdo ditë me strukturat. Do ketë parti tjetër. Do lançohet në shtator..."

Deputeti i opozitës së re Halit Valteri ka bërë me dije se grupi parlamentar demokrat do të krijojë parti të re në shtator, pasi sipas tij kanë kontakt me bazën dhe votuesit.

I ftuar në emisionin "Real Story", Valteri tha se 11 deputetët e grupit parlamenter demokrat janë ish-funksionarë të PD dhe kanë kontaktuar me votuesit dhe me ish-kryetarët e PD që Basha i nxori jashtë listave.

"Keni parë marrëveshjen e 17 majit. Jemi produkt i asaj marrëveshjeje.

Ndryshimi i sistemit zgjedhor nuk është as për Halitin, as për Andin. Ndryshimi i sistemit zgjedhor, është popullore. Nuk e di pse i trembet Basha, Rama dhe Kryemadhi.

11 deputetët e grupit parlamentar demokrat, kanë qenë funksionarë në PD, të ardhur nga baza e PD. Kanë kontakte me bazën dhe votuesit.

Kanë kontaktuar me ish- kryetarët e PD. Punojnë çdo ditë me strukturat. Do ketë parti tjetër. Do lançohet në shtator", tha Valteri.

Shtuar më 02/07/2020, ora 22:12

Shkruani komentin tuaj!
Të fundit nga kjo kategori