Deputetët e Shqipërisë, tashmë do të dalin më shpejt në pension duke humbur kështu të gjitha privilegjet që u jep pushteti i të qenurit deputet. Qeveria po përgatit një projektligj përmes të cilit synohet që deputetët të dalin në pension në moshën 55-vjeçare, duke mos e pasur më mundësinë të qëndrojnë aty deri sa të “mërziten” me postin.

Aktualisht, 140 deputetët e Kuvendit të Shqipërisë nuk kanë një kufi që përcakton moshën se kur duhet të dalin në pension, çka ka bërë që në sallën e Kuvendit të shohim edhe deputetë 60-vjeçare ose më shumë përgjatë 21 viteve të pluralizmit politik në vend.

Mosha 55- vjeçare është gjykuar nga qeveria si më e përshtatshmja për pensionin e të zgjedhurve nga populli, por duket se ajo ka një shkak të ri, atë të shkurtimeve të shpenzimeve që deputetët i kushtojnë buxhetit të shtetit me shpenzimet e tyre. /albeu.com/