Ish-kryeministri i Mbretërisë së Bashkuar Boris Johnson udhëtoi dje drejt kryeqytetit ukrainas, Kiev.
Përpara se të takohej me presidentin ukrainas, Johnson vizitoi periferitë e Kievit.
Ai tha se ishte “privilegj” të vizitonte Kievin, me ftesë të presidentit. Johnson u prit nga Zelensky dhe ministra të tjerë ukrainas në Kiev.
“Mirëpres Boris Johnson, një mik i vërtetë i Ukrainës, në Kiev. Boris faleminderit për mbështetjen tuaj”, shkroi Zelensky në Telegram për vizitën e Johnson në Kiev, raporton BBC.
Ai vizitoi gjithashtu qytetet Bucha dhe Borodyanka, në veriperëndim të Kievit, të cilat u pushtuan nga forcat ruse në mars të vitit të kaluar.
Johnson tha se vuajtjet e popullit të Ukrainës duhet të mbarojnë dhe se luftës duhet ti jepet fundi.
“E vetmja mënyrë për t’i dhënë fund kësaj lufte është që Ukraina të fitojë -dhe të fitojë sa më shpejt të jetë e mundur,” tha Johnson.
“Ky është momenti për të dyfishuar dhe për t’u dhënë ukrainasve të gjitha mjetet që u nevojiten për të përfunduar punën. sa më shpejt të dështojë Putini, aq më mirë për Ukrainën dhe për të gjithë botën“, tha ish-kryeministri britanik gjatë vizitës më Kiev./Albeu.com/
