Demaçi: Kaq mund të bëjnë Thaçi e Rama për Preshevën
Fondi prej 100 mijë eurosh që qeveria e Shqipërisë dhe ajo e Kosovës akorduan për Luginën e Preshevës ka sjellë reagime, polemika e kritika. Pas deklaratave përshëndetëse të fillimit, radha u ka ardhur kritikave.

Është veprimtari Adem Demaçi, i cili ka thënë se për këtë rajon nuk do të mjaftonin as 100 miliardë euro, duke e pasur parasysh kontributin shqiptarëve të Luginës së Preshevës në çështjen e Kosovës.

“Një mund të t’ju them se as Thaçi e as Kosova, edhe sikur të japin jo 100 mijë euro, por as 100 miliardë euro, s’mund t’i dalin hakut shqiptarëve të Luginës së Preshevës, sepse sikur ne, edhe ata u flijuan dhe sakrifikuan për ketë Kosovë, u burgosën e derdhën gjak e luftuan krah për krah me ne për Kosovën e lirë, për shtetin e Kosovës”, ka deklaruar Demaçi duke shtuar më tej se kaq janë mundësitë e dy shteteve shqiptare andaj duhet vlerësuar ky kontribut.

“Unë këtu e shoh një hap të mirë. Mjafton se këtyre kryeministrave tanë më në fund iu ra ndërmend për ata vëllezër tanë, ata njerëz të lënë pas dore nga Beogradi e Evropa”, u shpreh Demaçi.
Shtuar më 12/01/2014, ora 21:05
Shkruani komentin tuaj!
Të fundit nga kjo kategori