Një shpërthim me tritol ka ndodhur pak pas mesnatës në Tiranë.Ngjarja ka ndodhur në derën e jashtme të një dyqani kozmetik, në rrugën “Sami Frashëri” afër sheshit “Wilson”. Si pasojë e shpërthimit ka pasur vetëm dëme material.
Pronarja e biznesit (dyqan kozmetik) është Enisa Pirolli, bën me dije ABC.
Policia dhe grupi hetimor po punojnë për zbardhjen e plotë të rrethanave.
Njoftimi i policisë
Tiranë/Informacion paraprak
Më datë 19.10.2022, reth orës 00:15, në rrugën “Sami Frashëri”, në dyqanin kozmetik të shtetases E. P., dyshohet se ka shpërthyer një sasi lëndë plasëse.
Si pasojë ka vetëm dëme materiale.
Grupi hetimor po punon për zbardhjen e rrethanave të ngjarjes dhe identifikimin e kapjen e autorit.