Deklaratë e NAAC për kapjen e shqiptarëve në SHBA
Albeu.com
Këshilli Amerikan i Kombit Shqiptar (NAAC) ka dënuar me forcë sulmin e planifikuar mbi bazën ushtarake Fort Dix nga një grup njerëzish që u raportua se po planifikonin një sulm terrorist mbi këtë bazë.Gjithashtu përgëzojmë dhe autoritetet e forcave ligjore për intuitën e vet kundër komplotuesve duke parandaluar kështu një tragjedi të mundshme. Ndërkohë që ende lëshoheshin detaje të reja u raportua se këta individë, të cilët po komplotonin per nje sulm mbi bazën ushtarake amerikane Fort Dix, ishin persona me origjine kombësie nga Jordania,Turqia dhe Maqedonia dhe u personifikuan si persona me ‘pikpamje radikale xhihadi’.

“Ne si shqiptar, në tragjedinë e 9/11 kemi humbur vëllezërit tanë në WTC dhe kemi luftuar me zell përkrah trupave amerikane në Afganistan dhe Irak në luftën kundër terrrorizmit që udhëhoqi Amerika , duke vuajtur në mënyrë domethënëse dhe pasojat që mbart. Ne jemi në veçanti shume të ndjeshëm ndaj këtyre akteve të këtyre personave, të cilët disa prej tyre duket se janë me origjinë ballkanase, dhe për motive politike të papëlqyeshme u tentua të përshkruhej se këto akte i kanë bërë shqiptarët. Por , ne si shqiptar, kemi qenë dhe jemi më pro amerikan në botë” tha në një deklaratë zyrtare drejtori ekzekutiv i Këshillit Amerikan i Kombit Shqiptar z. Avni Mustafaj.

“Si popull, shqiptarët kanë pasur përqindjem më të madhe të besimtarëve me besime të ndryshmë të feve kryesore në botë dhe kurrë nuk kemi vuajtur nga grindjet ndërfetare mes popullit. Në fakt ne kemi luajtur një rol model në Evropë dhe përfaqësojmë të vetmin komb në Europë që ka shpëtuar 100 për qind gjithë popullin me besimi çifut gjatë Luftës së Dytë Botërore. Për më tepër ne u kemi mundësuar një qiell të sigurtë gjithë çifutëve që ia mbathën nga holokausti për në Shqipëri. Ne kemi aspiratat tona për tu bashkuar me NATO-n në vitin e ardhshëm dhe po punojme si me SHBA-në ashtu dhe me vendet e tjera demokratike Pernëdimore për të themeluar një Kosovë të pavarur e cila do ketë nje rol global për tolerancen ndërfetare dhe atë etnike”

Më pas z.Mustafaj konstatoi se “ Baza Fort Dix, është vendi unik special për shqiptarët pasi ishte vendi ku refugjatët e larguar nga spastrimi etnik nga Kosova u morën nga kampet e refugjatëve në Maqedoni dhe u sollën në SHBA. Refugjatët u regjistruan dhe atyre iu afruan një numër i konsiderushëm shërbimesh dhe asistence për fillimin e një jete të re në Amerikë. Ne të gjithë jemi të lehtësuar që kjo kjo tragjedi e mundshme u shmang dhe kërkojmë të sillen menjëherë para drejtësisë gjithë ata që tentuan të lëndonin burrat dhe gratë e pafajshëm të shërbimeve Amerikane”

Lidhjet Amerikano-Shqiptare shënojnë 85 vjetorin e tyre këtë vit dhe këto lidhje mes nesh skanë qenë kurrë më të forta. Faktikisht në Qershor të këtij viti Presidenti i Amerikës George Ë. Bush do bëjë një vizitë historike për shqipërinë në mbështetje të saj për kërkesën e antarësimit në NATO. Mijëra shqiptarë amerikanë kanë shërbyer dhe vazhdojnë të shërbejnë me krenari në ushtrinë Amerikane dhe ushtarët nga Shqipëria shërbejnë krah për krah me ushtarët Amerikanë në Irak, Afganistan dhe në disa vende të tjera.

“Ne, si popull që i dhamë botës simbolin më të madh të paqes, Nënë Terezën, shpresojme të vazhdojmë punën e saj në kontributin për të eleminuar urrejtjet fetare nga bota dhe të promovojmë një bashkëjetesë të paqme mes gjithë njerëzve” shtoi z. Mustafaj

NAA-ja është një organizatë jofitimprurëse e dedikuar për mbrojtjen e shqiptarve dhe promovimin e paqes, zhvillimit ekonomik në Ballkan duke nxitur një polkitikë demokratike, promovuar respekt për të Drejtat e Nerëzve dhe drejton programe për zhvillim dhe edukim. http://www.naac.org

Përktheu: Roland Çinari, gazetastart.com
Shtuar më 10/05/2007, ora 09:06
Tage: arkiv
Shkruani komentin tuaj!
Të fundit nga kjo kategori