Dëbora arrin në lartësinë 10 cm në Elbasan, mbyllen shkollat e katër fshatrave
Orët e fundit moti është përkeqësuar në Shqipëri pasi janë shtuar reshjet e dendura të shiut dhe të dëborës.

Emergjencat Civile në Elbasan bëjnë me dije se dëbora ka arritur në lartësinë 10 cm në aksin rrugor Librazhd-Steblevë, por nuk është ndërprerë qarkullimi i mjeteve.

Ndërsa shkollat e katër fshatrave në njësinë administrative Kukur nuk zhvillojnë mësim pasi kanë dalë ujërat e përrenjve, të cilat rrezikojnë kalimin e nxënësve për në shkollë.

Njoftimi i plotë:

Gjatë natës kemi pasur reshje shiu me intensitet të mesëm e të lartë në gjithë qarkun dhe reshje dëbore në lartësi, ku sipas të dhënave të shërbimit metereologjik në Elbasan kemi pasur 38 mm shi.

Lumi Shkumbin ka pasur prurje të konsiderueshme, por larg pikës kritike, ndërkohë që përroi i Zaranikës në krahasim me ditën e djeshme ka pasur një rënie të prurjeve.

Në orët e mëngjesit të sotëm forcat e MZSH dhe punonjësit e emergjencave civile dhe ASHP të bashkisë Elbasan kanë ndërhyrë për ndihmë në fshatin Balez, Nj.A Bradashesh pasi ujërat e përroit të Balezës, kanë rrezikuar të hyjnë në banesë, si dhe në kasollen me bagëti.

Në akset rrugore kemi prani gurësh, inertesh e aluvionesh, por janë të gjitha të hapura dhe të kalueshme. Në aksin rrugor Librazhd-Stebleve prej disa orësh kemi prezencën e dëborës në lartësi 10 cm. Nuk është ndërprerë qarkullimi i mjeteve.

Në furnizimin me energji elektrike, kemi disa kabina jashtë pune ne Nj.A Zavaline, Labinot Fushe, Lagja Nr.2 te Bashkisë Elbasan dhe Nj.A Orenje e Polis në Bashkinë Librazhd si dhe në Nj.A Grabovë në Bashkinë Gramsh.

Në Nj.A Kukur kemi shkollat e 4 fshatrave që nuk zhvillohet mësim nga dalja e ujërave të përrenjve që rrezikojnë kalimin e nxënësve për në shkollë.
Shtuar më 26/01/2021, ora 10:31

Shkruani komentin tuaj!
Të fundit nga kjo kategori