Pas reshjeve të para të dëborës për këtë vit të cilat kanë nisur ditën e sotme, aksi rrugor Kukës-Kalimash paraqet probleme me qarkullimin e mjeteve.

Sipas informacioneve bëhet e ditur se trashësia e dëborës në këtë aks ka arritur deri në 10 cm, ndërsa në terren janë 8 mjete borë pastruese të cilat po punojnë për normalizimin e qarkullimit dhe hapjen e rrugës. Ndërkohë në qytetin e Kukësit dhe fshatrat përreth trashësia e dëborës ka arritur në 5 centimetra, ndërsa në terren janë 3 borëpastruese.

Për shkak të reshjeve, bashkia e Kukësit ka mbledhur shtabin e emergjencave për të mbajtur nën kontroll situatën. Bashkia i bën apel operatorëve të kontraktuar të rrisin gatishmërinë, si dhe të ndërhyjnë më mjetet në të gjitha akset rrugore ku ka probleme.

Më herët, për shkak të reshjeve të dëborës, edhe bashkia e Pukës i bëri apel Autoritetit Rrugor Shqiptar (ARRSH) të marrë masat për të mbajtur akset rrugore të hapura./Albeu.com/