Nga ndjekja si nëpër filma te vendosja e GPS, historia e inateve të vjetra mes Eris Çekanit dhe dy personave që e përplasën me “Hummer”

Dy të rinj, Mario Xhangolli dhe Sindi Syzo janë shpallur sot në kërkim nga policia e Pogradecit, pasi kanë ndjekur dhe kërcënuar 39-vjeçarin, Eris Çekani.

Policia bëri me dije se dy të rinjtë, të moshës 30 dhe 28 vjeç, përplasën me automjetin e tyre tip ‘Hummer’, makinën në të cilën lëvizte 39-vjeçari Eris Çekani.

Pas përplasjes së automjetit dy personat në fjalë kanë dalë jashtë dhe kanë kërcënuar dhe kanosur 39-vjeçarin.

Pasi e kanë këcënuar kanë hipur në automjet për tu larguar nga vendngjarja. Por gjatë largimit ata kanë përplasur një tjetër mjet.

Ata janë detyruar të braktisin automjetin e tyre pas aksidentit dhe të largohen në drejtim të paditur me këmbë.

E gjithë kjo ngjarje nuk është aspak rastësore. Një histori me sherre dhe inate të vjetra, fshihet pas.

Kujtojmë se pak muaj më parë, Çeekani është përfshirë në një sherr me disa persona. 5 të rinjtë, të cilët udhëtonin me dy makina, kanë ndjekur njëri tjetrin si nëpër filma deri në në aksin rrugor “Elbasan-Metalurgjik”.

Teksa kanë mbërritur në këtë rrugë, ata kanë përplasur dy mjetet me të cilat udhëtonin. Në këtë moment ka ndërhyrë Policia dhe në pranga ra Eris Çekani dhe Gledis Dikellari 23-vjeç, të dy banues në Pogradec, e ndërsa 3 personat e tjerë, Sindi Syzo, Mario Xhangolli dhe një tjetër janë larguar nga vend i ngjarjes me një makinë tjetër.

Eris Çekani është shprehur se ka dyshime se GPS është porositur nga personat e lartpërmendur.  Ai ka deklaruar se janë të vetmit që dyshon për këtë ngjarje, pasi nuk ka konflikt me askënd tjetër veç tyre

Dy vëllezërit Syzo janë shpallur në kërkim disa muaj më parë, për shkak të një konflikti.

Gjithashtu nga kamerat e sigurisë, është e vështirë të identifikohet personi që i ka vendosur pajisjet poshtë dy mjeteve, pasi sipas informacioneve ai ka qenë i maskuar.

Policia ka nisur kërkimet për lokalizimin dhe arrestimin e tyre, ndërkohë që materialet në ngarkim të dy personave të shpallur në kërkim i kaluan prokurorisë për veprime të mëtejshme./albeu.com