Shqipëria vazhdon të ketë raste të larta me COVID-19 ku vetëm sot janë infektuar 490 persona e 7 viktima.

Ministria e Shëndetësisë bën me dije se në tre spitalet COVID, po trajtohen 378 pacientë.

Ndërsa nuk dihet nëse brenda spitalit infektiv ka shtretër bosh, në ambientet e jashtme të këtij spitali, pacientë të shumtë presin nëpër ambulanca që të akomodohen në shtretërit e spitalit.

Siç shihet nga pamjet, ambulancat me pacientë janë bërë radhë në oborrin e Spitalit Infektiv në pritje për t’u shtruar.