Dako sërish kërkon të jetë në zgjedhje, a rrezikohen votat e qytetarëve?
I pyetur drejtpërdrejt në emisionin “Open”, nëse Dako do të kandidonte për një tjetër mandat në krye të Bashkisë së Durrësit, ai u shpreh se “në çdo rast, në çfarëdolloj pozicioni, unë do të jem në krye të fushatës elektorale dhe do të garantoj që fitorja të jetë edhe më e thellë sesa në vitin 2015”.

Por, Dako theksoi se vendimin për këtë gjë nuk e merr Vangjushi, bazuar në dëshirën e tij, por strukturat drejtuese të Partisë Socialiste. Ai deklaroi se është i fokusuar të mbyllë mandatin me sukses, ndërkohë që nuk ka pasur asnjë ofertë deri më tani, ndërkohë që nuk ndihet i vjetër për të mos kontribuuar edhe më tej për socialistët në Durrës.

Sipas informacioneve që kishte gazetari Enton Abilekaj, bazuar në burime të tij, Dako nuk do të rikandidohet. Por, ai vet tha se është gati për çfarëdolloj pozicioni tjetër për të kontribuuar për qytetin e Durrësit, duke hedhur si hipotezë se edhe në biznes privat mund të japësh kontribut.


Shtuar më 31/01/2019, ora 22:32
Shkruani komentin tuaj!
Të fundit nga kjo kategori