Dade: Berisha te gjeje kush ka dhene formulen e zgjidhjes
Albeu.com
Ka një formulë për zgjidhjen e krizës dhe i takon kryeministrit Sali Berisha të gjejë se kush e ka ofruar këtë marrëveshje. Kjo ka qenë deklarata e deputetes së PS-së, Arta Dade e cila ka një formulë, veçanërisht për hapjen e materialeve zgjedhore.
"I takon Berishës të gjejë se kush ka ofruar formulën për zgjidhjen e krizës.Është një formule, dhe kryesisht hapja e matrerialeve zgjedhore. Ndaj shpreh keqardhje për qendrimin që ka mbajtur kryeministri", theksoi ajo.
Lidhur me deklaratën e kryeministrit Berisha në konferencë për shtyp se nuk ka asnjë marrëveshje ne tryezën e tij, Dade tha se ky është një incident i rëndë diplomatik, pasi ka mohuar formulën e ambasadorit të OSBE-së, Bosch.
Dade tha se gjendja shëndetësore e grevistëve është rënduar së tepërmi. Ajo tha se deputeti Agim Leka vijon të jetë në reanimacion.
Sipas Dades, përballë kësaj situate nga ana e qeverisë ka vetëm arrogancë.
Shtuar më 17/05/2010, ora 11:38
Tage: arkiv

Shkruani komentin tuaj!
Të fundit nga kjo kategori