Vërdallisej “nudo” në rrugët e Tiranës, vjen reagimi i policisë: 37-vjeçari vuan nga probleme të shëndetit mendor

Sot në rrjetet sociale ka bërë xhiro një foto e një personi i cili shfaqej nudo në rrugët e Tiranës, ndërkohë që policia së fundmi ka sqaruar se personi është arrestuar, ndërsa vuan nga probleme të shëndetit mendor .

Sipas njoftimit të “bluve”, 37-vjeçari më parë ka dhunuar familjarët e tij dhe më as është larguar i zhveshur nga banesa.

Njoftimi i policisë

Tiranë

Në lidhje me një video të postuar në portale, në të cilën shfaqet një shtetas i zhveshur, ju sqarojmë se:

Sot rreth orës 12:55, është marrë njoftim se në rrugën “Mujo Ulqinaku”, një shtetas, i cili vuan nga probleme të theksuara të shëndetit mendor, ka dhunuar familjarët e tij dhe është larguar nga banesa i zhveshur.

Shërbimet e Policisë, pasi kanë marrë njoftimin, kanë reaguar menjëherë dhe rreth orës 13:10, kanë bërë kapjen e shtetasit E. M., 37 vjeç, dhe shoqërimin e tij për në spitalin psikiatrik ku dhe ndodhet aktualisht.

Në vijim të veprimeve është bërë arrestimi i tij për veprën penale “Dhuna në familje”.

Materialet i kaluan Prokurorisë, për veprime të mëtejshme procedurale.