Çfarë do ndodhë me tollonat e konsumatorëve? Flet aksioneri i Gulf
Pëlqej
Skandali me "Gulf" ka prekur dhe shumë konsumatorë të cilët kishin blerë tollona.

Njëri prej aksionerëve të "Gulf", Apostol Doçi foli për News 24 dhe zbuloi se bllokimi i pikave të tregtimit të karburantit, ka ardhur si pasojë e borxheve tek Tatimet.

"Borxhet te Tatimet, principali janë 37 milionë lekë, 3 milionë lekë janë që merr sistemi interesa, është diku te 40 milionë lekë.

Gjithë borxhi nuk është shifër alarmante se kjo është pagesa e një muaji te Tatimet, ma ha mendja që deri në fund të muajit likuidimi i parë që do të bëjmë, është borxhi te Tatimet.

Likuidimi i dytë është sistemimi i tollonave te populli, tek institucionet shtetërore dhe furnitorët", u shpreh Doçi.

"Gjithë pikat e karburanteve ‘Gulf’, që janë diku te 52 pika, janë të bllokuara për momentin, nuk funksionojnë edhe zyrat qendrore nuk funksionojnë, sepse janë bërë disa denoncime nga qytetarët për tollonat që kanë dhënë lekët dhe nuk po marrin karburant.

Iu premtoj qytetarëve që mos mërziten, sepse të gjithë qytetarët që kanë kartat dhe tollonat, "Gulf" do të fillojë të funksionojë”, -u shpreh ai. /albeu.com/

Shtuar më 21/04/2018, ora 16:10
Shkruani komentin tuaj!
Të fundit nga kjo kategori