Çarja e rrugës së Borshit në dysh, KLSH nis verifikimin e procedurave të ARRSH
Kontrolli i lartë i shtetit ka ngritur një grup kontrolli për të verifikuar të gjithë proçedurën e realizuar për punimet e kryera përgjatë viteve të fundit në aksin nacional rrugor Himarë-Sarandë pas situatës problematike të shfaqur në fshatin Borsh.

Një ekip ka nisur verifikimin e proçedurave të kryera nga ana e Autoritetit Rrugor Shqiptar.

Ekipi i KLSH prej ditësh po kryente një kontroll pranë ARSH ndërsa ditën e sotme është firmosur nga ana e kreut të KLSH-së Arben Shehu një urdhër urgjent për të parë me imtësi të gjithë proçedurën përkatëse si dhe verifikimin fizik të punimeve të kryera në të.

Kontrolli i Lartë i Shtetit po verifikon me imtësi gjithashtu dhe procedurat të disa akseve rrugore në vënd .

Rruga e shëmbur i përket zonës D, që i përket rajonit jugor Vlorë-Gjirokastër, me gjatësi 350 kilometra, dhe me vlerë 13.7 milionë euro u shpall fitues një konsorcium i përbërë nga kompania Elicatechnical Commerce Societa dhe kompania Salillari sh.p.k.

Financimi për të gjitha rrugët në Shqipëri për mirëmbajtjen në total ka qënë 128 milion euro nga të cilat 65.9 janë dhënë nga Banka botërore.
Shtuar më 11/01/2021, ora 14:03

Shkruani komentin tuaj!
Të fundit nga kjo kategori