"Burri nga Dukagjini" heq dorë nga fjala, pranon kushtin e LDK-së
Pëlqej
Zëvendëskryeministri Behgjet Pacolli ka konfirmuar se është arritur marrëveshje me Ramush Haradinajn për ta pranuar propozimin e LDK-së për demarkacionin. Ka thënë se kjo marrëveshje është arritur mbi parimet e mirëkuptimit për të ardhmen e Kosovës.

Ai u shpreh se kur është arritur pajtimi i Kryeministrit prezent ka qenë edhe kryeparlamentari Kadri Veseli.

Përfundimisht, të mërkurën do të kalojë demarkacioni. Kjo pasi Ramush Haradinaj është bindur të pranojë kushtin e LDK-së për ta lënë Raportin e Shpejtim Bulliqit vetëm si raport informues e orientues për deputetët.

Këtë e ka konfirmuar Zëvendëskryeministri Behgjet Pacolli një bisedë ekskluzive për Express.

“Me Kryeministri sot pas një bisede të gjatë. Dallimi mes LDK dhe Kryeministrit është zgjidhur. Pranohet dokumenti ashtu siç LDK ka kërkuar. Nuk ka asnjë dilemë më për të ecur përpara”, ka thënë Pacolli.

“Falënderoj Kryeministin Ramush Haradinaj për konstruktivitetin dhe mirëkuptimin që ka pasur për këtë takim që kemi pasur sot. Definitivisht mund të konsiderohet se ky problemn dhe divergjencat mes LDK-së dhe Kryeministrit janë zgjedhur. Nuk do të ketë asnjë problem”, ka shtuar ai.

“Ishte vështirë por jam shumë i lumtur që ndodhi. Pa kushtëzime, por në mënyrë pozitive dhe duke menduar për të ardhmen e të të rinjve ”.

Ndërkohë, demarkacioni dështoi dy herë, në dy seancat e fundit, pasi LDK e AAK nuk pajtoheshin lidhur me përmbajtjen e dokumentit që do të miratohej në Parlament. Partia e Isa Mustafës kërkonte që raporti i Shpejtim Bulliqit të ishte vetëm informues, ndërsa, Haradinaj kërkonte që i njëjti të ishte obligues.

Bashkë me Marrëveshjen e arritur ndërmjet Kosovës dhe Malit të Zi në vitin 2015 do të ratifikohet në Parlament edhe dokumenti i nënshkruar nga Presidenti kosovar dhe ai malazez, i cili saktëson se mund të bëhen përmirësime të shënimit të vijës kufitare nëse gjenden fakte të reja.


Shtuar më 24/02/2018, ora 13:16
Shkruani komentin tuaj!
Të fundit nga kjo kategori