Rama: Nuk do ta quajmë eskluzivitet statusin
Update- Kryeministri i Shqipërisë Edi Rama shprehet se i ka dëgjuar me vëmendje leximet dhe këndimet e opozitës, që sipas tij nuk ishin të përqëndruara tek programi, por tek suksesi i qeverisë.

Kryeministri Rama ka theksuar ndër të tjera se e gjithë opozita mbajti të njejtin fjalim dhe se ende nuk e dinë se ku e kanë kokën.

Opozita nuk foli në asnjë moment për programin ndaj duhet të dinë çfarë është një program dhe një paraqitje programatike, thekson Rama.

Mazhoranca dhe opozita duhet të bashkëpunojnë për reformat dhe të mos e konsideroj mazhornacën si armik. Sipas tij, qeveria e re nuk është socializmi i vjetër dhe se do t'i jepet fund çështjes së pronave.

Rama ka përmendur edhe çështjen e statusit kandidat që sipas të cilit nuk do ta kosiderojnë një çështje eskluzive, ashtu siç opozita e quajti çështjen e NATO-s. /albeu.com/



.................


15:15 - Kryetari i Kuvendit, Ilir Meta në emër të grupit parlamentar të LSI-së deklaroi se qeveria e re i ka të gjitha mundësitë për të realizuar programin.

“Kam dëgjuar këto dy ditë vërejtje të ndryshme lidhur me programin e kësaj qeverie. Nuk mund ta kuptoj si mund të atakohet kaq shumë si një premtim jorealist, ai i hapjes së 300 mijë vendeve të reja të punës, kur ata që e kritikojnë kanë premtuar 250 mijë vende të reja pune.

Nuk ka program perfekt, as qeveri perfekte, por absolutisht që çelësi i suksesit është vullneti për tu përmirësuar çdo ditë.”- deklaroi Meta.

I pranishëm në sallën e Kuvendit është edhe ambasadori i Bashkimit Europian në vendin tonë, Ettore Sequi. /albeu.com/




......................


12:25 - Ish kryeministri i vendit Sali Berisha ka komentuar programin qeverisës për vitet e ardhshme. Sipas tij, diskutimet për programin qeverisës të shtyhen, pasi mazhoranca nuk ka një program të qartë për 100 ditët e para të qeverisjes.

Por propozimi i tij u hodh poshtë nga kryetari i parlamentit Ilir Meta, i cili tha se meraku i ish-kryeministrit Berisha është që pasardhësi i tij të shkojë në Bruksel si ministër i dekretuar dhe i pavotuar në Kuvend.

Megjithatë, Berisha ka këmbëngulur se nuk mund të flasësh 24 orë pa asnjë shifer dhe afat pasi kjo do të thotë të tallesh. /albeu.com/


........................


12:25 - Në seancën e debateve mbi programin qeverisës në Kuvend ish ministri i Punëve të Jashtme të Shqipërisë Aldo Bumçi ka thënë se në këtë program shërbimi i jashtëm është fytyra e keqe e qeverisë.

Sipas Bumçit, si do të korrigjohen gabimet që janë bërë në katër vite në politikën e jashtme.

"Programi juaj bën apel që politika e jashtme do të korrigjojë gabimet e bëra ndër vite. Si do të ndodhë kjo kur disa prej drejtuesve të asaj ministrie janë sot pjesë e këtij kabineti?”, tha Bumçi.

Ai ndërkohë komentoi dhe vizitën e qeverisë së Ramës në Kosovë.

"Rama në Kosovë nuk gjeti kurajon të përmendte një herë të vetme emrin e Ibrahim Rugovës, Gandit të Shqipërisë. Kjo qeveri i shikon personalitetet e kombit përmes ngjyrimeve partiake”, -tha ai.

Bumçi përmendi ndër të tjera disa prej arritjeve në politikën e jashtme gjatë 8 viteve të shkuara.

“Gjatë këtyre viteve Shqipëria ka fituar nje status të ri në arenën ndërkombëtare, aq sa nuk ka një periudhë tjetër ku të jenë arritur kaq shumë suksese. Anëtarësimi në NATO është një arritje për Shqipërinë, realizimi i Marrëveshjes së Stabilizim Asociimit, shembja e murit të vizave, duke përmbushur të gjitha detyrimet dhe duke bindur partnerët europianë”, tha Bumçi. /albeu.com/
Shtuar më 15/09/2013, ora 17:05
Shkruani komentin tuaj!
Të fundit nga kjo kategori