Buçkovski paralajmëron anulimin e vizitës së Çekut në Shkup
Pëlqej
Albeu.com
Kryeministri maqedonas, Vllado Buçkovski, do ta anuloj vizitën e paraparë për më 5 maj në Shkup, të kryeministrit të Kosovës, Agim Çeku, nëse ky i fundit nuk ndërron qëndrimin për demarkacionin e kufirit, kanë bërë të ditur televizionet maqedonase të Shkupit. Sipas tyre, Buçkovski është dëshpëruar nga deklarata e dhënë në Prishtinë, nga kryeministri Çeku.

Duke u mbështetur në burime pranë Qeverisë së Maqedonisë, mediat maqedonase kanë thënë se përfaqësuesit e kabineteve të dy kryeministrave, ditë më parë në Prishtinë kanë hartuar një marrëveshje krejtësisht ndryshe, në lidhje me çështjen e kufirit, të cilën Çeku do të duhej ta firmoste gjatë vizitës së tij në Shkup. Sipas këtyre mediumeve, porosia e Çekut në këtë marrëveshje do të ishte se Prishtina do të njeh vijën kufitare, ndërsa demarkacioni do të jete vetëm çështje teknike. Por Çeku, dhjetë ditë para se të shkoj në Shkup, deklaroi se "Kosova nuk e njeh marrëveshjen e nënshkruar në mes të Shkupit dhe Beogradit, për vijën kufitare midis Maqedonisë dhe Kosovës, ndërsa demarkacioni i kufirit, do të bëhet pas përcaktimit të statusit të Kosovës". rtk
Shtuar më 26/04/2006, ora 09:02
Tage: arkiv
Shkruani komentin tuaj!
Të fundit nga kjo kategori