Buçkovski e ka siguruar Presidentin Bush se Maqedonia do të vazhdojë të luajë rol konstruktiv në
Albeu.com
Kryeministri maqedonas Vllado Buçkovski e ka siguruar Presidentin amerikan Xhorxh Bush se Maqedonia do të vazhdojë të luajë rol pozitiv dhe konstruktiv në rajonin e Ballkanit, veçanërisht në bisedimet për statusin e ardhshëm politik të Kosovës.Nga ana e tij Presidenti amerikan Bush ka lavdëruar Maqedoninë për progresin në implementimin e reformave që janë të domosdoshme për anëtarësimin eventual të këtij vendi në NATO dhe në BE. Bush e falënderoi Buçkovskin për kontributin e Maqedonisë në misionet në Irak dhe në Afganistan.
Të dy bashkëbiseduesit janë pajtuar se Maqedonia ka arritur suksese në ndërtimin e demokracisë stabile dhe mulrietnike. Duke folur para gazetarëve në Shtëpinë e Bardhë, Buçkovski tha:
"E falënderova Presidentin Bush për mbështetjen e vazhdueshme të Shteteve të Bashkuara për demokracinë tonë, e në mënyrë specifike, për rolin amerikan në implementimin e Marrëveshjes së Ohrit. Po ashtu, kam shprehur edhe falënderimin e popullit të Maqedonisë për njohjen e emrit kushtetues nga ana e Shteteve të Bashkuara", ka thënë Buçkovski.
Ndërkaq Bush ka falënderuar Buçkovskin për pjesëmarrjen e Maqedonisë në koalicion antiterrorist dhe për kontributin e ushtarëve të Maqedonisë në misionet në Irak dhe Afganistan.
Kryeministri Buçkovski pas takimit me Ramsfeldin ka deklaruar se Maqedonia ka bërë shumë punë në mbrojtje dhe duhet të vazhdojë me tempin e njejtë. Ai ka thënë se Maqedonia në vitin 2008 do të pranohet në Aleancë. qik
Shtuar më 27/10/2005, ora 20:33
Tage: arkiv
Shkruani komentin tuaj!
Të fundit nga kjo kategori