BSH mban të pandryshuar normën bazë të interesit
Banka e Shqipërisë mban të pandryshuar normën bazë të interesit për lekun në nivelin 3.75%. Në një konferencë për shtyp, Guvernatori i BSH-së Ardian Fullani prezantoi raportin mujor të politikës monetare të Bankës Qendore.


Sipas ketij raporti inflacioni shënoi nivelin 2.1%, ndërsa çmimet e mallrave dhe shërbimeve të shportës janë luhatur rreth niveleve të muajve të kaluar.


“Banka e Shqipërisë vazhdon të përsërisë mbi nevojën e marrjes së masave fiskale që garantojnë qëndrueshmërinë e borxhit publik dhe të ulim koston afatgjatë të shërbimit të borxhit. Ka rritje së deficitit të borxhit por nuk bëhet fjalë për mungesë likuiditeti pasi likuiditeti ka qënë dhe është i mjaftueshëm në sektorin financiar të vendit që ka lejuar qeverinë që të marrë borxh në treg. Por e rëndësishme është ruatja e balancave fiskale” tha Fullani.

Sipas tij duhet të fillohet me reformat për të bërë të mundur qëndrueshmërinë ekonomike në vend.


“Ne jemi në një pikë ku duhet të startojmë me reformat por nuk bëhet fjalë për mungesë likuiditeti. Vazhdimi i reformave të qarta dhe competitive janë të nevojshme për të pasur një qëndrueshmëri të rritjes ekonomike në vend. Ekonomia ka potencialet për tu rritur dhe për tu zhvilluar” tha Fullani. /aëbeu.com/
Shtuar më 26/06/2013, ora 15:10
Shkruani komentin tuaj!
Të fundit nga kjo kategori