Bregu-Opozitës: Votoni imunitetin, mos bllokoni statusin
Pas Kryeministrit Sali Berisha në mbledhjen e djeshme të Qeverisë dhe gjatë inagurimit të kilometrave të para të autostradës Levan-Tepelenë, ka qënë Ministrja e Integrimit Majlinda Bregu ajo që i ka bërë apel opozitës të votojë më datën 6 gusht heqjen e imunitetit si një kusht që Shqipëria të marrë një përgjigje pozitive për marrjen e statusit kandidat në vjeshtën e këtij viti.


Në një konferencë për shtyp të disa minutave më parë, ministrja Bregu theksoi se heqja e imunitetit është edhe i vetmi detyrim i papërmbushur i kërkuar nga Komisioni Europian për Shqipërinë.

"Imuniteti dhe heqja e tij janë i vetmi detyrim për të plotësuar kalendarin e 12 pikave të kërkuara nga Komisioni Europian. Sot kemi një çështje urgjente për të zgjidhur dhe kjo është heqja e imunitetit për zyrtarët e lartë në kuadër të planit të veprimit dhe konkretisht pikës 8 ku përfshin luftën kundër korrupsionit", tha Maljinda Bregu. /albeu.com/
Shtuar më 02/08/2012, ora 11:33

Shkruani komentin tuaj!
Të fundit nga kjo kategori