Braçe: Zhani Ciko kontribuoi, por t’u hapë rrugë të rinjve
Deputeti socialist Erjon Braçe, komentoi dje emërimet e fundit të qeverisë në disa poste kyçe të institucioneve të kulturës. “Dëgjoj PD në të sjellë lloj-lloj argumentesh për dy drejtorë: Zhani Cikon e TOB, Nevila Nikën e Arkivës së Shtetit, Rubens Shimën e Galerisë së Arteve nuk e përmendin” shkruan Brace në Facebook. Më tej, në argumentimin që u bën ai emërimeve, shpreh vlerësimet Nevila Nikën.

“Shikoni, unë nuk mund të mohoj kontributin në TOB të Zhani Cikos, por Maestro duhet të kuptojë dy gjëra: e para, vjen një ditë kur duhet thënë boll, për t’u hapur rrugë të tjerë personaliteteve, mes tyre dhe të rinj. E dyta, nuk ka asgjë politike në këtë mes. Edhe PD një herë më parë i ka thënë ‘boll’ maestros për shkak të moshës. Unë nuk mund të mohoj gjithashtu kontributin e zonjës Nika në Arkivën e Shtetit Shqiptar, por ajo nuk është e vetmja që ka kontribuar. Ka plot të tjerë që e njohin shumë mirë këtë fushë, kanë kontribuar në këtë fushë dhe iu është ndërprerë brutalisht puna nisur nga arsye politike. Profesor Doktor Shaban Sinani është i fundit që kujtoj të ketë pësuar këtë”, shkruan Brace. /albeu.com/

Shtuar më 28/10/2013, ora 12:10
Shkruani komentin tuaj!
Të fundit nga kjo kategori