Këtë mëngjes Kukësi dhe Tropoja janë zgjuar të mbuluara nga dëbora.

Gjatë natës ulja e temperaturave ka bërë që të ketë reshje te dendura dëbore.

Ndërkohë sinoptikanët kanë paralajmëruar ulje të temperaturave në ditët në vijim. Kjo tregon se tashmë zyrtarisht kemi hyrë në stinën e dimrit.

Ndërkohë ARRSH në një postim në Facebook ka dhënë informacion mbi situatën e rrugëve në vend.

Kështu akset Qafë Mali-Lajthizë, Qafshtamë-Kalimash, Qafë Mali-Fierzë dhe Kuben-Vasije ka pasur reshje të pakta dëbore pa shkaktuar probleme në qarkullim.

“Është bërë pastrimi i rrugës dhe shpërndarja e kripës. Në të gjitha akset e tjera nuk ka probleme, qarkullimi vazhdon normalisht. Drejtuesit e mjeteve të tregohen të kujdesshëm, të ulin shpejtësinë dhe të respektojnë sinjalistikën rrugore”, thuhet në njoftimin e ARRSH-së.