Blair: E ardhmja e Kosoves eshte ne BE
Albeu.com
Pavarësia e Kosovës ishte një ngjarje e drejtë, është fakt dhe do të vazhdojë. Kështu është shprehur Ish-kryeministri britanik Tony Blair në fjalimin e mbajtur përpara deputetëve të Kosovës.
Sipas tij fitorja e pavarësia së Kosovës ishte një arritje e vetë qytetarëve të saj për një shtet të lirë dhe të pavarur. Gjithashtu ish-kryeministri Blair ka kujtuar edhe takimin e tij me presidentin e ndjerë Ibrahim Rugova i cili i kishte kërkuar ndihmë që qytetarët e Kosovës të mos vuanin më duke theksuar se ai e mbajti fjalën duke ndihmuar në pavarësinë e Kosovës.
"BE-ja është e ardhja juaj i është drejtuar ish-kryeministri Blair duke shtuar se Kosova ka shumë rrugë për të bërë dhe duhet të plotësojë edhe kërkesat për t'u bashkuar asaj.

Ai theksoi gjithashtu se Kosova duhet të luftojë korrupsion pasi kjo gjë është një pengesë për t'iu bashkuar Europës.
"Ndërtoni institucionet, ligjet, forcoheni ekonominë dhe antarësimi në Bashkimin Europia do të jetë në duart tuaja" theksoi më tej Blair.
Ai gjithashtu theksoi se Kosova duhet të jetë shtet me vlera për të gjitha etnitë duke theksuar se qytetarët e Kosovës duhet të besojnë pasi ajo që duket e pamundshme mund të realizohet shumë shpejt.
"Ju falenderoj përzemërsisht për mikpritjen. Paçi fat dhe ishte kënaqësia ime që të jem këtu sot dhe do të jem krenar që së bashku të ecim drejt të ardhmes" përfundoi fjalimin e tij drejtuar deputetëve të Kosovës ish-kryeministri britanik Tony Blair.
Shtuar më 09/07/2010, ora 12:10
Tage: arkiv
Shkruani komentin tuaj!
Të fundit nga kjo kategori