Bitraj: U frikësova nga vrasja e mikut tim Santo, ndaj u rrëfeva
Pëlqej
Vjedhja në Thesarin e Bankës së Shqipërisë nuk u zbulua nga auditi i bankës siç është shprehur guvernatori i Bankës së Shqipërisë, Ardian Fullani por nga vetë Ardian Bitraj.

Sipas shqiptarja.com, kur është pyetur në prokurori se pse është dorëzuar, Bitraj ka deklaruar se është frikësuar nga vrasja e Santos. Duke qenë se Bitraj kishte gati 4 vjet që vidhte dhe deri në momentin e vetë-dorëzimit askush s’e kishte zbuluar, pyetja që lindte ishte se pse u rrëfye në atë moment kohor. Dhe pikërisht kjo ka qenë një nga pyetjet e para që i kanë bërë Bitrajt në prokurori. Pse u rrëfeve?! Përgjigjja e punonjësit të BSH-së ka qenë sa e papritur aq edhe tronditëse.
“U frikësova nga vrasja e mikut tim Artan Santo, prandaj u dorëzova tani”, është përgjigjur Bitraj.

Lidhja e Ardian Bitrajt me Santon është e vjetër, pasi të dy kanë punuar në një periudhë kohore në Bankën e Kursimeve, që është drejtuar nga bakieri i vrarë. /albeu.com/
Shtuar më 10/09/2014, ora 17:25
Shkruani komentin tuaj!
Të fundit nga kjo kategori