Biserko: Brenda disa muajve Kosova ne OKB
Albeu.com
Pas vendimit të GJND-së, do të ndryshohet qëndrimi i bashkësisë ndërkombëtare, pasi që pritet valë e re e njohjeve të Kosovës, i tha Radios Evropa e Lirë Sonja Biserko, kryetare e Këshillit të Helsinkit në Beograd.Z. Biserko pasi ka vlerësuar lart librin e publicistit, Fahri Musliu, për Masakrën serbe të Suharekës, se “Ai ka shfrytëzuar dokumentacionin dhe gjykimet. Vetëm ka komentuar dokumentet që i ka radhitur në formë kronologjike për t’i vënë në një suazë dhe kështu sigurohet pamja e vërtetë për monstruozitetin e këtij krimi”, është shprehur se “Ai, personalisht, shumë pak ka intervistuar. Mendoj se kjo është vlera më e madhe e këtij dokumenti, sepse secilit i mundëson të ketë një pamje dhe të vazhdojë me hulumtime”.
E pyetur rreth ndërgjegjes njerëzore të atyre që kanë hapur varrezat dhe që i kanë gjuajtur viktimat në to, Biserko u përgjigj se “kemi të bëjmë me krim kolektiv, në të cilin kanë marrë pjesë shumë njerëz. Gjatë intervenimit (të NATO-s) flitej: tash duhet përfunduar punën me shqiptarët. Ka pasur një pajtueshmëri në heshtje të asaj që ka ndodhur”, tha ajo.

Sipas saj, vetëm kur kanë filluar të arrijnë kufomat e të rinjve nga Serbia, gjërat kanë filluar të lëvizin. Kemi të bëjmë me racizëm ndaj shqiptarëve që ishin demonizuar gjatë gjithë shekullit.

“Kemi të bëjmë me një vazhdimësi që nuk lejon që shqiptarët në opinionin tonë të paraqiten si njerëz që mendojnë, jetojnë dhe punojnë ashtu si edhe ne. Vazhdimisht krijohet kjo distancë dhe vazhdimisht insistohet në të.

Tash 10 vjet, që kur Kosova nuk është nën kontrollin e Serbisë, nuk ka asnjë rrëfim pozitiv për atë se si jetohet në Kosovë, madje nuk ka as për serbët”, i REL Sonja Biserko.

Mendoj se qytetarët e Serbisë janë të privuar nga informatat e vërteta se si jetohet në Kosovë dhe se janë pengje të një stereotipi për shqiptarët, sipas të cilit, këta njerëz nuk mund të krijojnë shtetin, janë inferiorë, nuk kanë merituar të kenë shtetin dhe aq më pak t’i kenë amerikanët në anën e tyre, shtoi ajo.

“Pas vendimit të Gjykatës Ndërkombëtare të Drejtësisë do të ndryshohet qëndrimi i bashkësisë ndërkombëtare, pasi që pritet valë e re e njohjeve.

Kosova, brenda disa muajve, mund të bëhet anëtare e Kombeve të Bashkuara. Do të shkohet drejtë konsolidimit të integritetit territorial dhe pavarësimit të plotë të Kosovës”, është e bindur Biserko. (koha)
Shtuar më 05/07/2010, ora 14:57
Tage: arkiv
Shkruani komentin tuaj!
Të fundit nga kjo kategori