Bilbil Mema: E vërteta e arrestimit të Berishës në vitin 2000
Pëlqej
Bilbil Mema, i komanduar si drejtor i Shkollës së Policisë zbardh detaje të incidentit të vitit 2000, kur ai si Drejtor i Përgjithshëm i Policisë së Shtetit ndaloi liderin e opozitës në atë kohë, Sali Berisha.

“Me këtë ngjarje edhe është spekuluar pak, sikur policia ka vepruar dhunshëm. Ne duhet ta vëmë ngjarjen në kontekstin historik të asaj që ka ndodhur. Atë ditë kishin ndodhur disa ngjarje historike në Shqipëri, kishte disa revolta nga opozita e atëhershme dhe ne ndodheshim nën një presion të madh në disa nga komisariatet, sidomos në atë të Tropojës dhe të Gjirokastrës, por edhe në qendër të Tiranës, ku u përdorën edhe armë. Shoqërimi i atëhershëm i ish- presidentit u bë në kushtet e mospranimit të kontrollit nga policia. Kjo është e gjithë historia e asaj dite, nuk ka asgjë më shumë. Kjo histori ka kaluar tashmë dhe çdo gjë është sqaruar” tha Mema në një intervistë për GSH.

Duke folur për lirimin nga detyra në vitin 2002, Mema thotë se ish-kryeministri i asaj kohe Fatos Nano gaboi me atë akt.

“Ish- kryeministri Fatos Nano gaboi dhe gaboi në mënyrë të paskrupullt, kjo sepse shkarkoi Drejtorin e Përgjithshëm të Policisë së Shtetit, në një operacion, në periferi, në një komisariat, pa marrë asnjë masë për asnjë person tjetër dhe pa dhënë asnjë motivacion të qenësishëm” vijon Mema. /albeu.com/
Shtuar më 20/08/2014, ora 10:24
Shkruani komentin tuaj!
Të fundit nga kjo kategori