Një 67-vjeçar ka humbur jetën pasditen e sotme në Fier, pasi ka humbur kontrollin e motoçikletës me të cilën udhëtonte dhe është rrëzuar.

Burime nga policia bëjnë të ditur se ngjarja ka ndodhur në Topojë-Shegjmarin, ku 67-vjeçari Pandeli Naka nuk ka mundur të ruajë ekuilibrin, pasi ishte në gjendje të dehur, dhe është rrëzuar nga motoçikleta.

Mësohet se 67-vjeçari ka humbur jetën menjëherë në vendngjarje, pasi ka goditur kokën në asfalt. Ndërkohë policia ka mbërritur menjëherë në vendin e ngjarjes.