Berisha: Zgjedhjet 2013, sukses i rradhës i mazhorancës
Kryeministri Berisha ka inaguaruar sot rrugën Ura e Mesit-Prekal, në Postribë të Shkodrës. Në fjalën e tij, kryeministri Berisha ka sulmuar opozitën se po ofron modelin Marksist për shqiptarët ndërsa u shpreh optimist se zgjedhjet e reja do të jenë një sukses i radhës për mazhorancën.


Sipas kreut të qeverisë, Shqipëria i shpërtoi krizës ekonomike globale falë modelit të suksesshëm të ndërmarrë nga qeveria.
“Shqipëria e ndjehu krizën botërore ekonomike por nuk u zhyt në këtë krizë. Modeli ynë ekonomik i suksesshëm pasi ndoqëm modelin e taksave të ulta ndërsa modeli tjetër që ofrohet është ai Marksist që i bëri të vuajnë shqiptarët. Ne po shkojmë drejt një fushate elektorale e cila është suksesi i radhës pasi ne investojmë ndërsa ata kanë vizionin e bllokimit” theksoi Berisha.


Gjithashtu kreu i qeverisë theksoi se rruga Ura e Mesit-Prekal, në Postribë të Shkodrës do të lehtësojë transportin e prodhimeve bujqësore si dhe do të ndikojë dhe në përmirësimin e kushteve të jetesës së banorëve të kësaj zone.


"Këto investime kanë si qëllim hapjen e vendeve të reja të punës. Po ndërtojmë rrugë në të 4 anët e vendit ndërsa ia dolëm të ndezim garën përndërtimin e HEC-ve", shtoi kryeministri.

Nga kjo rrugë përfitojnë edhe banorët e komunave Pult, Shosh, Shale të cilët e përdorin atë për t`u lidhur me qytetin e Shkodrës.

Segmenti rrugor Ura e Mesit – Prekal është i gjatë 15.4 km dhe shtrihet përgjatë luginës së lumit Kir. Kjo rrugë fillon në Urën e Mesit dhe përfundon në fshatin Prekal.


Rikonstruksioni i saj do të krijojë mundësi aksesi më të shpejtë drejt parkut kombëtar të Thethit, si dhe do të nxisë zhvillimin e turizmit malor të zonës.


Rruga e rikonstruktuar është e pajisur gjithashtu me sinjalistikën e duhur vertikale dhe horizontale, mure mbajtëse, mbrojtje metalike në të gjitha pjesët e rrezikshme të saj, veprat e artit. /albeu.com/
Shtuar më 09/09/2012, ora 10:46

Shkruani komentin tuaj!
Të fundit nga kjo kategori