Kryeministri i vendit, Sali Berisha, pas anëtarësimit në rrjetin social Facebook gjithnjë e më shumë po bëhet aktiv me postime të ndryshme. Sot rreth orës 10:00, ia ka bërë një postim lidhur me videon më të shikuar në YouTube.

“Të dashur miq. Sot e nisa ditën duke ndjekur në YouTube videon e yllit të muzikës koreane pop PSY, Gangnam Style, e cila është postuar online në muajin korrik, por që dje çeli mendjen dhe zemrën e shikuesit të një miliard duke u bërë kështu video me e klikuar dhe më e shikuar në historinë e internetit, video globale”, shkruan Berisha.

Mirëpo mesazh i kryeministrin nuk qëndron këtu. “Suksesi është si magneti ndaj dhe nisa ditën duke e pare edhe njëherë në YouTube. Ju si të dëshironi por unë tani pas apokalipsit të Maya-ve e pëlqeva natyrisht dy herë më shumë”, shprehet kreu i qeverisë.