Berisha shpërthen ndaj Ramës me fjalë të pista: I menderosur
Ish-kryeministri Sali Berisha me anë të një statusi në Facebook ka sulmuar kreun e qeverisë Edi Rama për listën e publikuar me 101 emra, punonjës të administratës, mjekë, prokurorë të denoncuar nga qytetarët.

“Qëllimi kryesor i tij ishte të mashtronte shqiptarët për listën e zezë, në të cilën ai kishte renditur pa asnjë fakt, provë, dëshmi apo dokument 101 emra përfshi dhe të vdekur duke rikthyer kështu një praktikë të etërve të tij bllokmene hoxhist, në të cilën akuza ishte dhe prova e vetme qoftë dhe për pushkatimin e tyre”-shkruan Berisha.

STATUSI I BERISHËS

Lista e zezë, si katrani i shpirtit të Edi Ramës!

Të dashur miq, dje Edi Rama, i demaskuar si rrallë ndonjë herë më parë për listën e tij të zezë të shpirtit tij të zi, doli si i menderosur në konferencë shtypi.

Qëllimi kryesor i tij ishte të mashtronte shqiptarët për listën e zezë, në të cilën ai kishte renditur pa asnjë fakt, provë, dëshmi apo dokument 101 emra përfshi dhe të vdekur duke rikthyer kështu një praktikë të etërve të tij bllokmene hoxhist, në të cilën akuza ishte dhe prova e vetme qoftë dhe për pushkatimin e tyre.

Rama dje u tha shqiptarëve se ai nuk e ka bërë listë, dhe kjo ishte njëlloj sikur te thoshte se ai e ka miratuar por nuk e ka shkruar listën dhe se facebooku i tij ku u publikua lista është si një hale publike, natyrisht jo për publikun e gjerë por për fuget, agaçët dhe sojin e tyre.

Në të vërtetë lista e zezë ishte një shpërthim i pakontrolluar i katranit të shpirtit të tij të zi! Sb /albeu.com/

Shtuar më 15/07/2017, ora 16:52

Shkruani komentin tuaj!
Të fundit nga kjo kategori