Berisha: Shkurtimet ne buxhet, te domosdoshme
Albeu.com
Shkurtimet në buxhetin e shtetit janë të domosdoshme pasi do të ndikojnë në uljen e deficitit dhe mosrritjen e borxhit. Kështu është shprehur kryeministri Berisha në mbledhjen e qeverisë ku do të miratohen edhe shkurtimet në buxhetin e shtetit.
"Jemi këtu për të miratuar buxhetin e ri apo shkurtimet e mëdha të buxhetit të këtij viti të cilat bëhen për të ulur deficitin buxhetor dhe për të mos lejuar rritjen e borxhit. Ky vendim bëhet i domosdoshëm jo se qeveria s'mund të marrë borxh po ai përbën një shpatë në sektorin privat dhe do të ishte e gabuar të jepnin masë tjetër ndërkohë që ky është sektori me kredit për zhvillimin e vendit" theksoi më tej shefi i qeverisë.

Më tej shefi i qeverisë theksoi se këto shkurtime do të merren si një masë paraprake për t'u përkujdesur që të mos ketë pasoja.

"Masat janë përkujdesje dhe qëllime të përgjegjshme në një situatë ku euro është në një gjendje të vështirë" theksoi më tej Berisha.

Gjithashtu kryeministri berisha bëri të ditur edhe rritjen e rrogave duke theksuar se paga e mjekëve do të rritet me 11 përqind, e mësuesve me 6 përqind dhe e punonjësve të administratës me 4-5 përqid ndërkohë që theksoi se për pagat e presidentit, kryeministrit dhe ministrave nuk do ketë rritje.
Shtuar më 08/07/2010, ora 20:35
Tage: arkiv
Shkruani komentin tuaj!
Të fundit nga kjo kategori