Berisha-Schmitt: Nxitje e investimeve hungareze në Shqipëri
Pëlqej
Abonohu për lajmet me e-mail:
E-maili juaj:      Tani, kontrolloni e-mailin tuaj dhe konfirmoni abonimin!
Në ditën e dytë të vizitës në Budapest kryeministri Berisha zhvilloi një takim me Presidentin Pal Schmitt i cili vlerësoi anëtarësimin e Shqipërisë në NATO, si një arritje historike. "Hungaria është shumë e lumtur që Shqipëria u bë anëtare e NATO-s dhe ajo do të jetë në radhën e parë të vendeve që do të mbështesin dhe ndihmojnë Shqipërinë për të marrë statusin e vendit kandidat! Shqiptarët kanë bërë shumë sakrifica për të qenë të lirë dhe duke qenë se edhe populli hungarez ka vuajtur nën diktaturën komuniste, ne e kuptojmë shumë mirë popullin mik shqiptar, ndaj do vijojmë t`ju mbështesim fuqishëm në hapat e mëtejshëm drejt BE-së", u shpreh Schmitt.

Nga ana e tij Kryeministri Berisha i shprehu Presidentit hungarez mirënjohjen më të thellë për mbështetjen e paçmuar të Hungarisë për anëtarësimin në NATO, liberalizimin e vizave dhe në hapat e mëtejshëm për anëtarësimin në BE, por edhe për qëndrimin e kontributin e Hungarisë ndaj çështjes së drejtë të shqiptarëve në Kosovë dhe mbështetjen e vazhdueshme ndaj shtetit më të ri të Europës, Republikës së Kosovës. /albeu.com/
Shtuar më 20/03/2012, ora 17:20
Shkruani komentin tuaj!
Të fundit nga kjo kategori
 
Tifozët Kuqezi në ndeshjen Shqipëri-Spanjë. Foto: Nderim Kaçeli/Albeu.com

Tifozët Kuqezi në ndeshjen Shqipëri-Spanjë. Foto: Nderim Kaçeli/Albeu.com