Berisha në Librazhd: Politika jonë ndryshimi, e Ramës bllokimi
Kryeministri Sali Berisha mori pjesë sot në përurimin e aksit rrugor Hotolisht-Frarë në Librazhd. Gjatë fjalës së tij kreu i qeverisë akuzoi kreun e PS-së se po mashtron popullin dhe se gjatë gjithë këtyre viteve ka ndjekur politikën e bllokimit.



"Me bllokimin e Ramës, u bllokuan qindra e qindra milionë euro për shqiptarët. Ndërkohë alternativa jonë është ndryshimi, ndërtimi i rrugëve, ndërtimi i ujësjellësave, kanalizimeve, ndërtimi i shkollave", tha Berisha.

Kryeministri premtoi se në mandatin e ardhshëm do të realizohet e gjithë infrastruktura rurale, që të jetë e barabartë me atë të qytetit.

Ndërtimi i kësaj rruge është financuar nga Qeveria Shqiptare dhe Fondi i OPEC për Zhvillim Ndërkombëtar. /albeu.com/
Shtuar më 13/04/2013, ora 11:30

Shkruani komentin tuaj!
Të fundit nga kjo kategori