Berisha në kah të Azerbajxhanit: Po çliron tokat e pushtuara nga Armenia
" Shkaku i ketij konflikti qendron ne pushtimin e territoreve te gjera nga Armenia e mbeshtetur nga Rusia te Republikes se Azerbajxhanit..."

Ish-kryeministri Sali Berisha ka folur rreth luftës që ka nisur mes Armenisë dhe Azerbajxhanit, ku deri më tani janë shënuar dhjetëra viktima.

Përmes një postimi në Facebook, Berisha shprehet se shkaku i këtij konflikti qëndron në pushtimin e territoreveAzerbajxhanit nga Armenia, e cila mbështetet nga Rusia.

Postimi i plotë:

Lidhur me konfliktin azero-armen!

Miq, prej disa ditesh nje konflikt i armatosur me humbje seroze jetesh dhe plagoje te shumta te civileve dhe ushtarakeve zhvillohet midis Armenise dhe Azerbajxhanit. Shkaku i ketij konflikti qendron ne pushtimin e territoreve te gjera nga Armenia e mbeshtetur nga Rusia te Republikes se Azerbajxhanit, i cili ne perputhje me ligjin nderkombetar kerkon te vendose integritetin territorial dhe sovranitetin ne te gjithe territorin e vendit dmth edhe ne zonat qe prej vitesh mbahen te pushtuara nga Armenia.

Kjo e fundit mban te pushtuar krahinen e Nagorny Karabakut qe gjendet ne zemer te Azerbajxhanit dhe qe banohet kryesisht nga Armene e qe nderkombetarisht njihet si territor i Azerbajxhanit por dhe territore te tjera te medha te ketij vendi qe ndajne Nagorny Karabakun nga Armenia dhe qe jane te banuara teresisht nga popullsi azere.

Duke mbeshtetur plotesisht te drejten e ligjshme te Azerbajxhanit per vendosjen e sovranitetit te plote ne te gjitha territoret e pushtuara prej mbi tre dekadash nga Armenia me mbeshtetjen e ruseve i bej thirrje komunitetit nderkombetar te angazhohet me serozitetin me te madh ne zgjdhjen e plote te ketij konflikti ne perputhje me aktet dhe ligjet nderkombetare duke i dhene fund pushtimit armen te territoreve te Republikes se Azerbajxhanit.
Shtuar më 29/09/2020, ora 18:31

Shkruani komentin tuaj!
Të fundit nga kjo kategori