Berisha: Mbajmë premtimet, rrisim rrogat dhe pensionet
Kryeministri në detyrë Sali Berisha deklaroi sot se qeveria do të mbajë premtimin për rritjen e rrogave dhe pensioneve.
Duke folur në mbledhjen e qeverisë, kreu i ekzekutivit theksoi se rritja e rrogave është një stimul për një perfomancë më të mirë të administratës


"Rritja e rrogave për administratën është një stimul për një përkushtim më të madh dhe për një performancë më të mirë por ka bërë edhe më të lakmueshëm vendet në administratë. Kjo është një politikë konstante e jona. Vendimi duhej marrë në qershor por ne e shmangën që të mos dukej si për qëllime elektorale. PD dhe qeveria e saj u përmbahen disa parimeve shumë solide dhe të drejta në raport me votuesit. Vendimi ishte shpallur që do bëhej në korrik për të shtyrë efektin e presupozuar elektoral të tij", tha Berisha.

Kryeministri njoftoi se pensionet do të rriten me 4 % ndërsa rrogat e buxhetorëve do të rriten me 5.4 %.

"Do të ketë një rritje prej 4 përqind të pensioneve por rritja e pensioneve në fshat do të jetë 5 %, pra dy herë me e madhe se rritja e inflacionit. Me këtë rritje nuk do të ketë pension poshtë 12 mijë e 24 lekë. Ndërsa paga e buxhetorëve do të rritet me me 5.4 %, pra rritet me 2.7 herë se inflacioni. Është një rritje e përvitshme në nivelet pak a shumë të vjetshme, vijoi fjalën e tij kryeministri në detyrë Sali Berisha. /albeu.com/
Shtuar më 17/07/2013, ora 12:39

Shkruani komentin tuaj!
Të fundit nga kjo kategori