Berisha jep alarmin: Shkodra po gjunjëzohet nga bandat
Ish-kryeministri Sali Berisha në një deklaratë për median ka reaguar sërish në lidhje me ngjarjet kriminale në vend.

Pas akuzave të rënda për atë që sipas tij ndodh në Elbasan, sot Berisha ka dhënë alarmin edhe për qytetin e Shkodrës.

“Dua t’u them se ajo që shpërtheu në Elbasan dy herë, në mos tre, më aggressive është në Shkodër. Qytet nga i cili po ikin biznesmenët, po ia dorëzojnë krimit. Në Shkodër bëjnë ligjin killer dhe trafikantë”- tha Berisha.

Fjala e plotë e Berishës

”Ftoj mediat të fokusohen me të gjithë potencialin e tyre në luftën kundër krimit të organizuar.

Pasi po del e qartë si drita e diellit çdo ditë se Shqipëria është në darën e tmerrshme, në sundimin e plotë të drogës, qeveritarëve të drogës dhe qeveritarëve të krimit.

Dua tu them se ajo që shpërtheu në Elbasan dy herë, në mos tre, më aggressive është në Shkodër. Qytet nga i cili po ikin biznesmenët, po ia dorëzojnë krimit. Në Shkodër bëjnë ligjin killer dhe trafikantë.

Vlorën e patë vetë në çfarë katandisje është. Më pyetët për deklaratën: deklarata ime është kjo, Shqipëria ka në krye kreun e Meduzës së krimit të organizuar.

Për mua kryekumbari i Shqipërisë është Edi Rama sepse kur iu kërkua të mos vendosë Artur Bushin, e vendosi.

U tha shqiptarëve se burrë më të ndershëm se Elvis Roshi nuk ka. Është Edi Rama që zhgrryhet përditë me Don Lalën” /albeu.com/

Shtuar më 05/10/2017, ora 11:05

Shkruani komentin tuaj!
Të fundit nga kjo kategori