Sali Berisha: Fatos Klosi zhvilloi veprimtari kriminale gjatë luftës së Kosovës
Ish-kryeministri Sali Berisha është përfshirë në debatin mes Isa Mustafës dhe Fatos Klosit, lidhur me rolin e SHISH-it në luftën e UÇK-së.

Berisha thotë se Fatos Klosi ka zhvilluar veprimtari antikombëtare dhe se ka qenë agjent i huaj.

Sipas tij, Klosi e ka dëmtuar luftën e Ushtrisë Çlirimtare të Kosovës.

Ja çfarë shkruan Berisha

Ditet e fundit, ish kreu i Sherbimit Informativ Kombetar, Fatos Klosi, ka ndermarre per llogari te patroneve te tij te vjeter, sulme te ulta dhe amorale ndaj arkitektit te Kosoves se pavarur, Presidentit Ibrahim Rugova dhe luftetareve te lirise qe luftuan dhe dhane jeten per lirine e Kosoves.

Duke denuar sulmet dhe trillimet e ulta te Fatos Klosit njoftoj opinionin se:

- Fatos Klosi ka qene i skeduar, me dosje voluminoze dhe ne ndjekje konstante nga Sherbimi Informativ Kombetar si njeri me lidhje te caktuara agjenturore, pra si agjent i sherbimeve te huaja.

-Emerimi i tij pas vitit 1997 ne krye te Sherbimit Informativ Kombetar, eshte bere ne kundershtim flagrant dhe pasi eshte zhdukur dosja e tij disa vjecare!

- Per shfrytezimin nga ana e tij te luftes per çlirimin e Kosoves ekzistojne raporte te sherbimeve kryesore partnere qe e deshmojne si te implikuar ne nje seri veprimatrish dhe trafiqesh kriminale.

Ju bej thirrje autoriteteve te Kosoves te ndermarrin vet dhe me partneret nderkombetar nje hetim te plote te veprimtarise se tij kriminale antikombetare gjate periudhes se luftes se Kosoves e ne dem te saj!

Jam i bindur se nje hetim i plote dhe i pavarur do te nxjerre ne pah, do te provoje rolin e tij te dyfishte gjate luftes dhe veprimtarine e tij kriminale! sb. /albeu.com/



Shtuar më 26/04/2015, ora 23:43

Shkruani komentin tuaj!
Të fundit nga kjo kategori