Berisha paraqet dorëheqjen tek Nishani
Ish- kryeministri Sali Berisha ironizoi sot vendimin kabinetit Rama për të mos dhënë prononcime për mediat duke u shprehur se në 24 orët e ardhshme do jetë në grevën e heshtjes.

Në një prononcim për mediat pas mbledhjes së grupit të PD-se, Berisha tha se e ndërmerr këtë hap pas miratimit të kodit të heshtjes nga ana e qeverisë së re.

“Nuk bëj asnjë prononcim sot deri nesër në Facebook në një protestë të hapur për shkak të standartit të ri që vendos qeveria e Piktorit. Dikasteret urdhërohen të mos kenë asnjë komunikim nga mediat. E ka këtë kodin e heshtjes të Kristian Greit apo instinktin e etërve të vet, unë këtë gjë nuk e pranoj”, tha Berisha.

Pas këtyre deklaratave, Berisha u nis drejt presidencës për të dorëzuar dorëheqjen. Takimi me Nishanin ka zgjatur vetëm pak minuta, ndërkohë që Berisha ka dorëzuar dorëheqjen, duke pritur tani vetëm ardhjen e qeverisë së re, të cilën nuk do e presë vetë zyrtarisht. /albeu.com/
Shtuar më 09/09/2013, ora 14:24
Shkruani komentin tuaj!
Të fundit nga kjo kategori