Berisha: Arsimi profesional do të kthehet në piedestalin që meriton
Kryeministri Berisha mori pjesë sot në inaugurimin e rikonstruksionit të shkollës se mesme profesionale “Karl Gega’ ku garantoi se do të bëhet gjithçka për vendosjen e arsimit profesionalpiedestalin e merituar.

Ai ka nxitur të rinjtë të çmojnë këtë drejtim arsimor, si një zgjedhje e mençur që bën afrimin më të mirë me tregun e punës.


“Ne duhet të rindërtojmë sistemin e arsimit profesional, që për rrethana të caktuara njohu kolaps të plotë, pasi në masën 90% ishte orientuar drejt bujqësisë, ne kemi bërë e po bëjmë gjithçka për ta vënë në piedestalin që meriton këtë arsim. Garantoj të rinjtë dhe prindërit se zgjedhja e arsimit profesional është zgjedhje e mençur. Për ju ka shumë uri tregu”- tha Berisha.


Sipas tij, këta të rinj kanë fat të madh se marrin një profesion të shkëlqyer, që bëhet për ta mbështetje e fuqishme për të ndërtuar jetën në mënyrën më të mirë. /albeu.com/
Shtuar më 16/05/2013, ora 11:17
Shkruani komentin tuaj!
Të fundit nga kjo kategori