Tahiri- Berishës: Mohove baxhanakun që të vdiq në Gërdec
Update-Ministrii Brendshëm Sajmir Tahiri mohoi akuzat e ish-kryeministrit për lidhje me elementë të krimit duke u kundërpërgjigsur se Berishës i vdiq baxhanaku në biznesin e demontimit të armëve dhe ish-kryeministri bënte sikur nuk kishte baxhanak.


“Ku do që të shkosh dëgjoje deputet Berisha se unë e ju i përkasim racave të ndryshme. Unë i përkas atij grupi njerëzish që kemi lindur, rritur e edukuar me tjetër mentalitet dhe këtë modën e të hedhurit baltë sic jeni mësuar ju dhe deputet Berisha refuzojmë. Unë jam rritur dhe edukuar në një familje për të cilën jam krenar dhe me dashurinë për njerëzit e vendin e mbaj përgjegjësi me kabinetin qeveritar për ta bërë këtë vend më të mirë. Më vjen keq që prej 25 vitesh i je bërë si mizë kali këtij vendi e populli. Lëre rehat. E mirëpres të vijë të japë këshilla për të ardhmen por jo të bëjë mistrecin. Unë nuk jam as pjesë e klanit kriminal, nuk kam lidhje, dhe punët e mia faktet flasin më shumë, dhe kemi treguar se kemi vendosur distancë ndërmjet qeverisë e botës së krimit. Por unë nuk jam si ish-kryeministri që i vdes baxhanaku në biznesin e demontimit të armëve dhe bën sikur nuk kishte baxhanak,si ish kryeministri që Shqipëria kërkonte të bënte hapa para dhe ai cmontonte institucionet e pavarura dhe ju të gjithë bashkë hidhin baltë mbi opozitën dhe bënit gjithcka ishte e mundur për ta çuar këtë vend pas. Është në nder që këtë rezolutë të paktën të mos e përcjellim me debate e kuptoj që ish kryeministri doli me një xhiro në parlament i futi dhe një xhiro fjalim dhe iku. Refuzojeni e hajdeni të bëjmë një gjë më të mirë" u shpreh Tahiri.

14:07- Ish-kryeministri Sali Berisha akuzoi sot qeverinë për veprime në kundërshtim të hapur me Kushtetutën. Duke folur gjatë seancës së sotme të Kuvendit, Berisha u shpreh se qeveria solli formën kolektive të dënimit.

“Kryekreu juaj po vepron kunder Kushetetutës, duke thënë se nuk pyet për të, pasi vepron me vendime. Ju sollët formën kolektive të dënimit, si formën më primitive, vutë në krye të Ministrisë së Rendit një njeri konfliktual, objekt ndjekjesh për kontrabandë familjare e evazion”- tha Berisha. /albeu.com/
Shtuar më 27/11/2013, ora 15:57
Shkruani komentin tuaj!
Të fundit nga kjo kategori