Bashkia kontrollon tregjet
Temperaturat e larta të verës kanë vene Bashkinë e kryeqytetit në aksion duke ushtruar kontrolle higjeno-sanitare, në tregjet e Tiranës, nisur nga risqet që mund të hasin konsumatorët.

Inspektorët e Bashkisë lëshuan disa akt-kontrolle, morën mostra ushqimore për analizë dhe ndërgjegjësuan tregtarët dhe qytetarët, lidhur me masat që duhen marrë, për të shmangur infeksionet apo helmimet me prejardhje ushqimore.

Kontrolli dhe mbikëqyrja u krye në tregjet e “Uzinës Dinamo” dhe tek tregu i prodhimit të mishit, pranë sheshit “Avni Rustemi”.

Inspektorët kanë kërkuar nga tregtarët, respektimin e kushteve higjeno-sanitare të ushqimeve, kryesisht atyre me bazë shtazore, si qumështi, mishi dhe peshku dhe kërkuan plotësimin e standardeve të zinxhirit ftohës të produkteve. /albeu.com/
Shtuar më 09/08/2011, ora 15:14

Shkruani komentin tuaj!
Të fundit nga kjo kategori