Basha u premton studentëve: 10 mijë stazhe me pagesë në vit
Kreu i PD-së, Lulzim Basha foli ditën e sotme nga çadra e protestës para studentëve. Pasi kritikoi ministren e Arsimit dhe reformën në arsim, Basha tha se qeveria e tij do të hapë 10 mijë stazhe me 200 mijë lekë të vjetra rrogë plus sigurime për studentët.

Ai tha se asnjë student nuk do të mbetet pa u shkolluar për shkak të mungesave financiare. Basha gjithashtu tha se vendimet mbi arsimin do merren nga pedagogë dhe studentë dhe jo nga ministria përkatëse.

“Ne nuk do të pranojmë kurrë, që vendimet për arsimin e lartë, t’i marrin një grusht politikanësh dhe as ministrja e salcës që s’ka asnjë kualifikim. Këto vendime do t’i marrin trupat e përbashkëta të pedagogëve dhe studentëve. Në do ta financojmë arsimin e lartë. Ju jap fjalën që do të studiojnë të gjithë pavarësisht mundësive financiare”, tha Basha.

“Do hapim 10 mijë stazhe në vit me 200 mijë lekë në muaj dhe me sigurime shoqërore”, tha ai më tej./Albeu.com/

Shtuar më 22/02/2017, ora 19:05

Shkruani komentin tuaj!
Të fundit nga kjo kategori