Basha: Rama ka dërguar njerëz tek një ish-komandant i UÇK që t’i ofrojë para
"Hap gojën, tender apo lekë tërhiq disa fjalë që ke thënë të mira për Lul Bashën që të vazhdojmë fushatën ndaj tij..."

I ftuar në emisionin “Çim Peka Live”, kreu i Partisë Demokratike, Lulzim Basha ka zbuluar mbrëmjen e sotme se kryeministri Edi Rama ka ndërmend t’i vazhdojë sulmet ndaj tij.

Kryedemokrati tha se sot kryeministri Rama ka dërguar në Kosovë një personazh të Tiranës, emrin e të cilit nuk e ka treguar, për t’i ofruar ose para ose tender një ish-komandanti të UÇK-së në mënyrë që ai të tërhiqte disa fjalë të mira, që i kishte thënë për të.

Sipas Bashës, kjo kërkesë e Ramës ndaj ish-komandantit të UÇK-së i është bërë me qëllim që të vazhdojnë fushatën ndaj tij.

Fjala e Bashës:

Doni të dini diçka. Ta bëjmë një lajm të vogël? Sot ka çuar një personazh të Tiranës tek një nga ish-komandantët e UÇK-së dhe i ka thënë:

“Edi Rama ka thënë hap gojën, tender apo lekë tërhiq disa fjalë që ke thënë të mira për Lul Bashën që të vazhdojmë fushatën ndaj tij.
Shtuar më 26/11/2020, ora 22:35

Shkruani komentin tuaj!
Të fundit nga kjo kategori