Kryetari i Partisë Demokratike, Lulzim Basha ka publikuar në rrjetin social Facebook një video ku shkruan se në këto 8 vite vetëm dështime janë shënuar nga qeveria Rama.

Basha rendit të gjithë premtimet që ka bërë Rama me marrjen e pushtetit të tij, por që në të vërtetë ato janë dështimet e vetme të tij, ndërsa ndër të tjera bën akuzën e rëndë se sekretarit amerikan i është falsifikuar firma.

“Kemi marrë goditje të rënda dhe jemi përballur me sfida të mëdha.

E di që disa prej jush jeni të pakënaqur, që nuk janë përmbushur të gjitha pritshmëritë e këtij mandati të dytë…

As unë s’jam i kënaqur. Jo sot, por asnjëherë. Por të mos harrojmë çfarë kemi hequr…

Ju keni hequr shumë në fakt,

Aq sa keni trefishuar pasuritë

Keni rritur taksat dhe borxhin publik.

Keni i shpërdoruar 1.2 miliardë euro të shqiptarëve.

Keni kriminalizuar politikën.

Keni kanabizuar vendin.

Keni kaluar Sirinë për numrin e azilkërkuesve.

Keni lënë Shqipërinë në vendnumëro.

Keni dhënë më shumë se 2 miliardë euro me PPP.

Dhe aty ku po aktron, keni falsifikuar firmën e sekretarit amerikan të shtetit, për të fituar 20 milionë euro për 1 kilometër rrugë.

Jo, nuk do të harrojmë”, shkruan Basha.