Nga qyteti i Kavajës teksa ka zgjedhur të festojë festën e Kurban Bajramit, Basha është ndalur edhe tek mesazhet politike. Gjatë vizitës së tij në xhaminë e Kavajës, kreu i PD ka uruar besimtarët myslimanë për këtë ditë të shënuar për ta, duke nënvizuar se ky qytet ruan traditat.

“Kavaja, qyteti që ka bërë varrosjen e komunizmit. Nuk jemi për të folur për politikë, sot është ditë e shenjtë”, deklaroi Basha.

Duke u ndalur tek situata politike në vend, Basha tha se qeveria aktuale i përket së shkuarës.

Kreu i opozitës shtoi më tej se mazhoranca e sotme është një e keqe e përkohshme. “Qeveria aktuale, i përket të shkuarës. Kjo është një e keqe e përkohshme. Janë forca që shkatërrojnë vendin, nuk ndërtojnë”. /albeu.com/